Komisioneri Kundër Diskriminimit, pas trajtimit të ankesës së ngritur nga qytetarët e verbër të qytetit të Korçës, nëpërmjet degës së SHVSH Korçë dhe Shoqatës së të Verbërve të Shqipërisë, lidhur me problemet e shkaktuara nga Bashkia Korçë dhe Filiali i Postës Shqiptare Sh.a Korçë, ka dalë me vendimin me dispozitat e mëposhtme
Komisioneri ka vërtetuar se persona e verbër që jetojnë dhe marrin shërbime nga Bashkia Korçë janë përballur me diskriminim në fushën e të mirave dhe shërbimeve.
Bashkia Korçë dhe Filiali i Postës sh.a Korçë janë urdhëruar të ndërmarrin masat e nevojshme për ndreqjen e pasojave dhe rivendosjen në vend të të drejtave të shkelura ndaj personave me aftësi të kufizuara. Ata duhet t'i ofrojnë këtyre personave mundësinë e zgjedhjes së subjektit për të marrë pagesat dhe të zbatojnë ligjin për përjashtimin nga pagesat e tarifave/komisioneve për shërbimet e tyre
Bashkia Korçë është detyruar të ndërmarë masat e nevojshme për rivendosjen në vend të të drejtave të shkelura ndaj personave të verbër,duke kthyer të gjitha shumat e mbajtura që nga momenti kur aplikimi i tarifave/komisioneve ka filluar në shërbimet postare dhe ato bankare.
Bashkia Korçë dhe Filiali i Postës sh.a Korçë janë të detyruara të njoftojnë Komisionerin Kundër Diskriminimit në lidhje me veprimet e ndërmarra për zbatimin e këtij vendimi brenda 30 ditëve.
Moszbatimi i këtij vendimi çon në ndëshkim me gjobë
, sipas parashikimeve të ligjit për Mbrojtjen nga Diskriminimi
Nëse palët janë kundër këtij vendimi, lejohet ankimimi në Gjykatën Administrative të Shkallës së Parë Tiranë, brenda 45 ditëve nga marrja e dijenisë së vendimit.
