8 Janar 1991, Dita Kombëtare e të Verbërve të Shqipërisë


Në një kohë ku ndryshimet e thella tronditnin çdo aspekt të jetës, një histori e rrallë u shfaq mes shqiptarëve të verbër, të cilët ishin po aq të etur për ndryshim dhe progres. Gjatë lëvizjeve të dhjetorit, një grup i vogël i tyre, duke përfshirë Presidentin që në themelim, i cili sot është president nderi Dr. Sinan tafaj, dhe të tjerë, vendosën të ngrenë zërin e tyre. Ata vendosën të thërrasin një takim të madh më 8 Janar, një datë që do të shënohej si fillimi i diçkaje të re.

Në atë kohë, në dijeninë time kishte mbi 200 të verbër të punësuar në ndërmarrjet e ndryshme shtetërore, të cilët kryenin procese të thjeshta manuale. Mbi 20 apo 30 vetë punonin në ndërmarrjet e NISH-gomës apo të plastikës në Durrës. Ata lëmonin me dorë artikuj të ndryshëm industrial për ti përdorur për konsum publik. Të tjerë punonin në ndërmarrje ushqimore tregtare me paketimin e artikujve ushqimor, në uzina mekanike ku kryenin procese të caktuara të prodhimeve në seri, fabrika qelqi dhe sidomos si centralist në ndërmarrjet e mëdha. Sot është e vështirë të konceptohet, por në atë kohë i vetmi burim për të jetuar apo dhe për të mbijetuar ka qenë vetëm puna, pasi mbështetja sociale nuk ekzistonte si opsion.

Gjithmonë si tani dhe atëherë është besuar se do të kishte hapësira për të bërë politika për mbajtjen në punë të të verbërve, Si dhe integrimin e të tjerëve. Kurrsesi nuk ishte imagjinuar një shkatërrim epokaliptik të të gjithë asaj mase gjigande uzinash, fabrikash, ndërmarrje shërbimesh, ndërmarrje e koperativa bujqësore, me qindra linja prodhimi, ku ishin të punësuar afro 2 milion shqiptar. Në themelimin më 8 Janar kanë arritur në konkluzionin se mundësia më e mirë për t’u mbrojtur nga të papriturat e transformimeve të thella ishte bashkimi i të verbërve të asaj kohe në të gjithë Shqipërinë. Kështu, vendimi i parë dhe më kryesori ishte krijimi i Shoqatës së të Verbërve të Shqipërisë, e cila do të merrte përgjegjësinë për të mbrojtur dhe mbështetur cdo të verbër në të gjithë Shqipërinë pavarësisht nga mosha, gjinia apo lloji i nevojave që do të kishte secili. Mbrojtja kryesore do të ofrohej së pari në fushën e të drejtave, edhe pse në atë kohë nuk imagjinohej dot se nga një sistem i njëanshëm, pa liri dhe të drejta themelore do të kalohej në një sistem të gjithanshëm ku liritë dhe të drejtat do të qendronin në qiellin e parimeve e do të ishin aq larg për ti prekur e për ti gëzuar ato. Vetëm sot, pas 33 vitesh, në bazë të historisë së të shkuarës dhe realitetit të jetuar, arrijmë të vlerësojmë se vendimi më i rëndësishëm dhe qendrimi më i drejtë ishte se në themel të bashkimit tonë kanë qenë interesat e të verbërve dhe që në themelim e deri më sot është neveritur mbivendosja e interesit personal mbi atë të të verbërve. Politikisht në atë moment ky qendrim ishte i papranueshëm në frymën e asaj kohe pasi ishte rrëzuar sistemi i kolektivit, mbi të cilin po vendoseshin liritë dhe të drejtat themelore të njeriut dhe prona private.

Koha tregojë se vetëm angazhimi i tyre unik për nga këmbëngulja, unik për nga vullneti, unik për nga kompromisi dhe thellësisht besnik ndaj kauzës së përbashkët na solli në këtë mbijetesë. Shoqata tejkalojë dhe parashikimet më optimiste, jo vetëm të anëtarëve të saj, por dhe të opinionit publik dashamirës. Është arritur të hartohet, miratohet dhe zbatohet ligji për statusin e të verbërit, që na sigurojë ne të verbërve mbrojtje sociale të posacme, pagesa për shkak të verbërisë, të drejtën e shkollimit, financimin e shërbimeve të posacme që ndihmojë në integrimin tonë në jetën normale, e lehtësira të tjera. Shoqata krijojë struktura të posacme për shërbimet duke ngritur qendra në të gjithë shqipërinë. Ajo u bë shtëpia e përbashkët ku cdokush gjendte e ushtronte aktivitete me rëndësi jetike

Tranzicioni i stërzgjatur i shoqërisë ka sjellë pasoja edhe në komunitetin tonë, pasi jo cdo lloj reforme e pastudiuar ka realizuar pritshmëritë e saj. Hartimi dhe miratimi i ligjeve me karakter që nuk i përgjigjet realitetit kanë krijuar pasoja negative në jetën e të verbërve, qoftë në fushën e shkollimit, apo dhe atë të shërbimeve. Një rol më aktiv i shoqatës dhe ndërtimi i bashkëpunimit serioz e i studiuar me qeverinë mbetet sfidë e sotme dhe e ardhshme e shoqatës së të verbërve dhe politikbërësve të fushës

Për fat të keq, politikanët ambicioz e agresiv e panë atë si pengesë në rrugën e tyre për të sheshuar e kontrolluar cdo organizim apo forcë potenciale të shoqërisë civile, ku nuk mund të mbivendosnin interesat e tyre personale. Kështu gjithcka e ngritur, u transformua e u zhbë, duke shfuqizuar vendime qeverie dhe akte të tjera nënligjore të cilat mbështesnin shkollimin, punësimin dhe shërbime të posacme për të verbërit, dhe duke i mohuar shoqatës rolin e saj aktiv në përfaqësimin dhe mbrojtjen e të drejtave dhe në organizimin dhe ofrimin e shërbimeve. Prandaj, besnikërinë ndaj kauzës dhe rezistenca ndaj politikave të mbrapshta të politikanëve besnik të interesave të veta na kanë plagosur mbijetesën, por në pritje të ndryshimeve të thella, si para 33 vitesh, besojmë shumë se dita jonë kombëtare do të na rindricojë dhe rivendosë në marshimin tonë krahas shtresave të tjera të shoqërisë. Pavarësisht sfidave, kemi mbetur të vendosur në mbrojtjen e të drejtave tona dhe në përpjekjen për një jetë më të mirë për të gjithë të verbërit në Shqipëri

Me kalimin e kohës, Shoqata e të Verbërve të Shqipërisë ka ndërtuar një rrjet të fortë mbështetjeje, jo vetëm brenda vendit, por edhe në bashkëpunim me organizata ndërkombëtare. Kjo ka ndihmuar në ngritjen e ndërgjegjësimit për sfidat me të cilat përballemi dhe ka shtyrë për politika më inkluzive në fushën e punësimit, arsimit dhe shërbimeve sociale

Në këtë rrugëtim, jemi dëshmitarë të ndryshimeve të mëdha që kanë ndodhur - disa prej tyre pozitive, të tjera më pak. Por një gjë është e qartë: përmes unitetit dhe përkushtimit, jemi bërë një zë më i fortë në shoqëri, duke luftuar për të drejtat dhe nevojat tona. Kjo nuk është vetëm një histori e të verbërve të Shqipërisë, por një mësim për të gjithë se, pavarësisht sfidave, uniteti dhe vullneti i fortë mund të sjellin ndryshime të mëdha

Duke parë përpara, sfidat mbeten, por edhe mundësitë janë të mëdha. Shoqata vazhdon të punojë pa u lodhur për të siguruar një të ardhme më të ndritur për të verbërit e Shqipërisë, duke u përpjekur që çdo anëtar i shoqërisë të ketë mundësinë të kontribuojë dhe të jetë i vlerësuar në mënyrën e tij unike

Në këtë përvjetor të 33-të, ne kujtojmë rrugëtimin tonë dhe i kushtojmë nderim atyre që kanë luftuar për këtë kauzë. Ne gjithashtu shikojmë me shpresë dhe vendosmëri drejt së ardhmes, duke besuar se dita jonë kombëtare do të vazhdojë të jetë një simbol i rezistencës, unitetit dhe shpresës për të gjithë të verbërit e Shqipërisë

Zëvendës Presidenti i Shoqatës së të Verbërve të Shqipërisë,

Jonit Ferhati
Name

Arsimi Broshura informuese,12,Gazeta,4,Ndihme me pajisjet teknologjike,1,NJOFTIME,191,Pajisje tifloteknike,71,Projekte,21,
ltr
item
Shoqata e të Verbërve të Shqipërisë: 8 Janar 1991, Dita Kombëtare e të Verbërve të Shqipërisë
8 Janar 1991, Dita Kombëtare e të Verbërve të Shqipërisë
33 vjet SHVSH dita e te verberve krijimi krijohet themelimi te verber verberia qytetaret e verber PAK person me aftesi te kufizuar
https://blogger.googleusercontent.com/img/b/R29vZ2xl/AVvXsEgFbKP6YsBSwJAI5cofai4GWrQ69eEB_rVxtYb3I3ZaASHqNdn6cHkwhsXfb9e2wrPo8OyhraQ7d36v4-ffoWSN_Lsj1DiW9LC-DRENGIUDZFr-T3PVkcKMcQb9FH_SVaWhv0XG-gIrc4ArgBFUuF99p6mSC6vIc7Q-k2KQUdY8-peQ0hKaLq0bDECZiT3K/s200/Shkrimtar-lapsi.jpg
https://blogger.googleusercontent.com/img/b/R29vZ2xl/AVvXsEgFbKP6YsBSwJAI5cofai4GWrQ69eEB_rVxtYb3I3ZaASHqNdn6cHkwhsXfb9e2wrPo8OyhraQ7d36v4-ffoWSN_Lsj1DiW9LC-DRENGIUDZFr-T3PVkcKMcQb9FH_SVaWhv0XG-gIrc4ArgBFUuF99p6mSC6vIc7Q-k2KQUdY8-peQ0hKaLq0bDECZiT3K/s72-c/Shkrimtar-lapsi.jpg
Shoqata e të Verbërve të Shqipërisë
https://www.shvsh.org.al/2024/01/8-janar-1991-dita-kombetare-e-te.html
https://www.shvsh.org.al/
https://www.shvsh.org.al/
https://www.shvsh.org.al/2024/01/8-janar-1991-dita-kombetare-e-te.html
true
2104914723329470046
UTF-8
Loaded All Posts Not found any posts VIEW ALL Lexo më shumë Reply Cancel reply Delete By Home PAGES POSTS View All REKOMANDUAR PER JU LABEL ARCHIVE SEARCH ALL POSTS Nuk u gjet ajo që kërkuat Kthehu në Kryefaqe E diel E hënë E martë E mërkurë E enjte E premte E shtunë E diel E hënë E martë E mërkurë E enjte E premte E shtunë Janar Shkurt Mars Prill Maj Qershor Korrik Gusht Shtator Tetor Nëntor Dhjetor Janar Shkurt Mars Prill Maj Qershor Korrik Gusht Shtator Tetor Nëntor Dhejtor tani 1 minutë më parë $$1$$ minuta më parë 1 orë më parë $$1$$ orë më parë Dje $$1$$ ditë më parë $$1$$ javë më parë më shume se 5 javë më parë Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy